მომსახურების პირობები

MSERVICE, ბრენდ Midea-ს ავტორიზებული სერვის ცენტრი საქართველოში, უზრუნველყოფს კონდიციონერების ინსტალაციას. ინსტალაცია ხორციელდება საერთაშორისო სტანდარტების დაცვით, MSERVICE-ის ხელოსნებმა გაიარეს ტრენინგები Midea-ს სათაო ოფისის წარმომადგენლების მეთვალყურეობით და მიიღეს საერთაშორისო აკრედიტაცია.  ინსტალაციისთვის დაუკავშირდით ჩვენს სერვის ცენტრს: 032 2 52 43 43

გთხოვთ დეტალურად გაეცნოთ ინსტალაციის/ მონტაჟის წესებს და პირობებს!

კონდიციონერის მონტაჟი:

არსებობს კონდიციონერის მონტაჟის ორი ტიპი:

1. სტანდარტული მონტაჟი, რაც ითვალისწინებს 45 სმ სისქის აგურის ან ბლოკის კედლის გახვრეტას, გარე აგრეგატის სამაგრზე დამაგრებას, ქარხნულად დაკომპლექტებული მილების საშუალებით შიდა და გარე აგრეგატის ერთმანეთთან დაკავშირებას.

მიუხედავად სისქისა ცივი ბეტონი, მონოლითური კედელი და ა.შ სხვა არასტანდარტული კედელი არ ითვალისწინებს სტანდარტულ მონტაჟს.

ცხრილში მოცემულია კონდიციონერის სტანდარტული მონტაჟის ღირებულება იურიდიული პირისთვის თბილისის მასშტაბით

• რეგიონებში, სტანდარტული/არასტანდარტული მონტაჟისას, მონტაჟის ღირებულებას  დაემატება ტრანსპორტირების საფასური 1 კმ/ზე 1,30 ლარის ოდენობით.

2. არასტანდარტული მონტაჟი ითვალისწინებს  ყველა სხვა შემთხვევას, რაც არ ჯდება სტანდარტულ მონტაჟის განმარტებაში, შესასრულებლად საჭიროებს დამატებით მასალებს, აქსესუარებს, ტექნიკის გამოყენებას, ტექნიკოსისთვის დამატებით (არასტანდარტულ) სამუშაო დროს, პირობებს, სამუშაოს სპეციფიკის სირთულეს. არასტანდარტული მონტაჟად ითვლება ჩამოთვლილიდან ერთი დამატებითი პირობის არსებობა და არ საჭიროებს ყველა პირობის ერთობლივად არსებობას. არასტანდარტული მონტაჟის ფასი გამოითვლება ტექნიკოსის მიერ ადგილის დათვალიერებისას.

• ფართის დათვალიერების ღირებულება შეადგენს 40 ლარს.
• კონდიციონერის არასტანდარტული მონტაჟის საფასურის გამოთვლისას  სტანდარტული მონტაჟის ღირებულებას დაემატება არასტანდარტული მომსახურების საფასური 60 ლარიდან ზემოთ (მემონტაჟის მიერ გაწეული სამუშაოს სირთულის და დახარჯული დროის გათვალისწინებით), დაემატება  გამოყენებული სახარჯი მასალის ღირებულება.
• ამწე-კალათის გამოყენების საჭიროებისას, მყიდველი თავისი ხარჯით უზრუნველყოფს შესაბამისი ტექნიკის მობილიზებას, რასაც ათანხმებს შემსრულებელთან (კომპანიასთან).

დამატებითი ინფორმაცია მყიდველისთვის:

• გარე აგრეგატის სამაგრის  ზომები განსხვავებულია კონდიციონერის სახეობის მიხედვით.
• სპლიტ კონდიციონერებზე (არა ინვენტორულზე) დენის კაბელი ერთდება ჩვეულებრივ როზეტში.
• კოლონური კონდიციონერებისთვის „სამიფაზა“ უნდა იყოს სამონტაჟო ადგილამდე მიყვანილი.
• ინვერტორული კონდიციონერის დამონტაჟების შემთხვევაში დენის წყარო უნდა დაერთდეს გარე აგრეგატზე. აღნიშნულისთვის საჭიროა სადენი ზომა -  3*2,5 კვეთით სამონტაჟო ადგილამდე მიყვანილი.

შენიშვნა: თუ სათანადო სიგრძის, კვეთის კაბელი არ არის დატანილი, მომხმარებელი ვალდებულია წინასწარ შეიძინოს და დაახვედროს მემონტაჟეს ან სურვილისამებრ შეიძინოს სერვის ცენტრში).

გთხოვთ გაეცნოთ ყურდღებით!

სხვა სერვის ცენტრის, სპეციალისტის, მყიდველის, ნებისმიერი არაუფლებამოსილი პირის მიერ ჩატარებული სამონტაჟო და/ან შეკეთებითი სამუშაოებისას, ასევე ძირითადი საგარანტიო ტალონით გათვლისწინებულ უსასყიდლო საგარანტიო მომსახურების გამომრიცხავი სხვა გარემოებებისას, მოვაჭრე და ოფიციალური სერვის ცენტრი იხსნის პასუხისმგებლობას მომხმარებლის წინაშე შემდგომ უსასყიდლო საგარანტიო მომსახურებაზე, მიუხედავად საგარანტიო ვადისა. აღნიშნული წესი არ ვრცელდება მონტაჟებზე, თუ სერვის ცენტრის წარმომადგენელი დაადგენს, რომ მონტაჟი განხორციელებეულია სწორად, სრული ტექნიკური მოთხოვნების გათვალისწინებით.  ვაკუუმ ტუმბოს გამოყენება სავალდებულოა კონდიციონერის ინსტალაციისას.

არასწორი მონტაჟის ან შეკეთებითი სამუშაოების ჩატარების ფაქტის დადგენის შემთხვევაში საგარანტიო მომსახურება შესაძლებელია იყოს მხოლოდ სასყიდლიანი.

სარეცხის მანქანის მონტაჟი:

ჭურჭლის სარეცხის მანქანის მონტაჟი:

• სარეცხის მანქანის მონტაჟის ღირებულება თბილისის მასშტაბით შეადგენს 30 ლარს.

რეგიონებში ემატება სპეციალისტის ტრანსპორტირების თანხა კილომეტრზე 1,3 ლარის ოდენობით.

• სარეცხი მანქანის თვითმონტაჟის დროს ყურადღებით წაიკითხეთ მონტაჟის და გამოყენების ინსტრუქციები. ამავდროულად გაითვალისწინოთ შემდეგი ნორმები:

თავდაპირველ გამოყენებამდე სრულად მოხსენით ოთხივე ტრანსპორტირების ფიქსატორი (ჭანჭიკი), არ გადაკეცოთ ან არ დაჭეჭყოთ წყლის გადინების მილი, წყლის გადინების მილი იატაკიდან უნდა განათავსოთ არაუმეტეს 50 სმ სიმაღლეზე და ისე მიაერთოთ სიფონზე. სარეცხი მანქანისთვის განკუთვნილია დამოუკიდებელი ონკანი ე.წ „ ¾“ რომელზეცმიერთდება სარეცხი მანქანის წყლისშემსვლელიმილი.

დაუშვებელია ქახნულად განსაზღვრული მილების ზომის შეცვლა.

გაითვალისწინეთ:

თუ სერვის ცენტრის მიერ დაფიქსირდება არასწორი მონტაჟი და მის შედეგად გამოწვეული პრობლემები, უფლებას ვიტოვებთ  მოგიხსნათ გარანტია ან/და შემოგთავაზოთ მხოლოდ  ფასიანი მომსახურება.

გილოცავთ შენაძენს!