მედია

18 ივლისი 2022

რატომ და როდის უნდა გამოვცვალოთ კონდიციონერი

როდის არის საჭირო კონდიცირების სისტემის შეცვლა -  ეს რეალურად დამოკიდებულია კონდიციონერის ასაკსა და მის ამჟამინდელ მდგომარეობაზე. ზოგადად, ამ ტექნიკის ექსპლუატაციის ვადა 10-15 წელია და შემდეგ ეფექტურობა ბევრად იკლებს. დიდი ასაკის შემთხვევაში გასათვალისწინებელია ისიც,  გიღირთ თუ არა საერთოდ მისი შეკეთება და პირდაპირ ახლის ყიდვაზე ხომ არ უნდა გადახვიდეთ.

 

მოძველებულმა ტექნიკამ შესაძლოა ჯანმრთელობის პრობლემები გამოიწვიოს. განსაკუთრებით თუ მრავალი წლის წინ შეძენილი ეს პროდუქტი მეორადი კონდიციონერია. ამ ბლოგში მოგახსენებთ სხვადასხვა რისკ ფაქტორებს და ასევე გირჩევთ, როგორც შეარჩიოთ თქვენსა და თქვენ ბინაზე იდეალურად მორგებული კონდიციონერი და როგორ მოუაროთ მას, რომ დიდი ხნის განმავლობაში სრულფასოვნად გემსახუროთ.


ძველი კონდიციონერი და სხვადასხვა რისკ ფაქტორები



მოძველებული ტექნიკა გარდა იმისა რომ ისე ვეღარ მუშაობს, როგორც ადრე, ასევე ის ბევრი პრობლემისა და დისკომფორტის წყაროა. მოგახსენებთ ზოგიერთი არასასიამოვნო პერსპექტივის შესახებ:

 

  • ბაქტერიების ზრდა - დროთა განმავლობაში თქვენი კონდიციონერი შეიძლება გახდეს საშიში სოკოების, ბაქტერიებისა და სხვა პოტენციურად მავნე მიკრობების გამრავლების ადგილი. ეს განსაკუთრებით ეხება ძველ აპარატებს, რომლებსაც რეგულარულად არ უტარდებოდათ გაწმენდა-შეკეთების პროცედურები.

  • რესპირატორული პრობლემები - ძველი ტექნიკის გამოყენება თქვენს სახლში აფუჭებს ჰაერის ხარისხს, რაც შეიძლება სერიოზული საფრთხე იყოს ყველასთვის, ვისაც აწუხებს ასთმა, ბრონქიტი და სხვა რესპირატორული დაავადებები.

  • ხანძრის საშიშროება - ძველ კონდიცირების სისტემას სავარაუდოდ აქვს ნახმარი და მოძველებული კომპონენტები, როგორიცაა გაუმართავი ვენტილატორები, გატეხილი მილები, ან გაფუჭებული ელექტრო გაყვანილობა. ამან შეიძლება გამოიწვიოს ბლოკის შიგნით სითბოს დაგროვება, რაც შეიძლება მომავალში ხანძრის წინაპირობა იყოს.

  • არასტაბილური ქიმიკატები - ბევრ შენობას ჯერ კიდევ აქვს ძველი კონდიციონერები, რომლებიც სივრცის გასაგრილებლად  მავნე ქიმიკატებს ეყრდნობა. მაგალითად, ისინი იყენებენ ოზონის დამშლელ ნაწილაკებს, რომლებიც ძალიან აზიანებენ გარემოს.

  • ენერგიის მაღალი გადასახადები - რაც უფრო ძველია ეს პროდუქტი, მით უფრო დაბალია მისი საერთო ეფექტურობა. ხშირად წყობიდან გამოსვლა და რემონტის საჭიროებასთან ერთად, ის მნიშვნელოვნად ზრდის გადასახადებს, ვიდრე ახლად დაყენებული თანამედროვე ვარიანტი.

 

 

როგორ შევარჩიოთ კონდიციონერი

 

 

თანამედროვე ტექნოლოგიებმა ბევრად დახვეწა ახალი მოდელები და გაიზარდა არჩევანის საშუალება. ადრე თუ უბრალო დასადგამი კონდიციონერი, ან საბჭოური -  ხმაურიანი, ძალიან არაენერგოეფექტური აპარატი უნდა დაგვეყენებინა, დღეს ტექნიკის ბაზარი ძალიან გაფართოვდა და ის მომხმარებლის ნებისმიერ მოთხოვნას მარტივად აკმაყოფილებს.

 

მაგალითად, ჯერ ისევ ახალი ტექნოლოგია - ინვერტორული კონდიციონერი, ერთ-ერთი ყველაზე ჭკვიანი აპარატია, რომელიც ჩვენი ჩართულობის გარეშე იდეალურად არეგულირებს ოთახის ტემპერატურას. ის დროულად რეაგირებს ყველანაირ ცვლილებაზე - იქნება ეს ოთახში ბევრი ადამიანის შემოსვლა, ტექნიკის ჩართვა, ახალი მუქი ფერები ამ სივრცეში თუ სხვა ფაქტორი.

 

რაც არ უნდა გასაკვირი იყოს, ყველაფერი ეს და ბევრი სხვა რამ ძალიან მოქმედებს ოთახის ტემპერატურაზე. ხშირად, ეს ცვლილება ჩვენი ყურადღების გარეშე რჩება და შესაბამისად, ჩვენ ფეხს ვერ ვუწყობთ ამ მუდმივად ცვალებად დონეს - ან უბრალოდ გვეზარება ყოველ ჯერზე პულტით აწევა/ჩაწევა. ასე რომ, თითქმის ვერასდროს ვერ ვინარჩუნებთ სტაბილურ და კარგ ტემპერატურას.

 

ინვერტორული კონდიციონერები კი ამ საქმეს ჩვენზე ბევრად უკეთ აკეთებენ და მათი კოლეგებისგან განსხვავებით, დაახლოებით 40-50%-ით ზოგავენ ელექტროენერგიის მოხმარებას.



მიდეას ინვერტორული კონდიციონერი


ასევე ძალიან საინტერესო ტექნოლოგიაა მულტი სპლიტ კონდიციონერიც.

იმ დროს, როცა სპლიტ სისტემა ერთდროულად მხოლოდ ერთ ოთახს აგრილებს, მულტი სპლიტ კონდიციონერი საშუალებას გაძლევთ გააგრილოთ რამდენიმე ოთახი ერთდროულად. ეს მისი კონსტრუქციის დახმარებით ხდება. სპლიტ სისტემა შედგება ერთი კომპრესორისა და ერთი ჰაერის გასასვლელისგან, ხოლო მულტი სპლიტს აქვს რამდენიმე (ხუთამდე) ჰაერის გასასვლელი და  ყველა დაკავშირებულია ერთ კომპრესორთან.

 

შიდა დანაყოფები შეიძლება დამონტაჟდეს კედელზე, იატაკზე, ან ჭერზე და გამაგრილებლის მილსადენებითა და სადენებით ისინი დაკავშირებულია   ერთ გარე ბლოკთან.

  

თქვენ ასევე შეგიძლიათ მარტივი გამოსავალი ნახოთ და პორტატული კონდიციონერი აირჩიოთ. ცხადია, ის ისეთი ეფექტური ვერაა, როგორც სხვა ტექნიკა, მაგრამ რიგ შემთხვევებში ძალიან კარგი არჩევანია. თავისთავად მათი მთავარი უპირატესობა  ისაა, რომ პორტატულია და სადაც გინდა წაიღებთ. ასევე ეს იაფი კონდიციონერი ბევრ ფულს დაგაზოგვინებთ, რაც ასევე დიდი პლუსია.

  

დიდი არჩევანი ზოგჯერ პროცესს კიდევ უფრო ართულებს. როცა ბევრი კარგი ვარიანტია, მერე საერთოდ ვიბნევით და აღარ ვიცით, რომელზე შევჯერდეთ.

მაგრამ დეტალებში გარკვევით ნახავთ, რომ სხვადასხვა კონდიციონერი სხვადასხვა სიტუაციებისთვისაა განკუთვნილი.

 

თქვენც ჩამოყალიბდით გინდათ უკვე ნახსენები ინვერტორული ტექნოლოგია, რომელიც თავისით დააბალანსებს ტემპერატურას, თუ მულტი სპლიტ კონდიციონერი, რომელიც რამდენიმე ოთახს მოემსახურება. შეძენამდე გაითვალისწინეთ ოთახის ფართი, ადამიანებისა და ტექნიკის რაოდენობა და განსაზღვრეთ ზუსტი ბიუჯეტი. რიგი ფაქტორების გათვალისწინებით, კითხვა - როგორ შევარჩიო კონდიციონერი, ისეთი რთული აღარ წარმოგიდგებათ, როგორც თავიდან გეგონათ.


კონდიციონერის მოვლა - მთავარი პრინციპები

 

 

სწორად შერჩეული ტექნიკა ძალიან კარგი დასაწყისია, მაგრამ კარგმა ტექნიკამ რომ დიდხანს გაძლოს და იდეალურად იმუშაოს, როგორც სხვა ყველაფერი, ამისთვის მოვლასა და ყურადღების მიქცევას საჭიროებს.

 

დროთა განმავლობაში ეს აპარატი ნაკლებად ენერგოეფექტური ხდება, განსაკუთრებით თუ მათზე ისე არ ზრუნავთ, როგორც საჭიროა. მიუხედავად იმისა, რომ ზოგიერთი ეს პრობლემა დიდი ასაკის გარდაუვალი შედეგია, ბევრი მათგანი გამოწვეულია ჭუჭყის, მტვრისა და უხეში ნაწილაკების დაგროვებით, რომელთა თავიდან აცილება სრულიად შესაძლებელია.

 

თუ თქვენი კონდიციონერის გარკვეული ნაწილები რეგულარულად არ იწმინდება, ამ დროს აპარატს უწევს იმუშაოს მეტი დატვირთვით და გამოიყენოს მეტი ენერგია თქვენთვის სასურველი კომფორტული გარემოს შესაქმნელად. მიჰყევით კონდიციონერის ეფექტურობის ამ რჩევებს, რათა დაზოგოთ ფული და მიიღოთ მაქსიმუმი თქვენი მოწყობილობიდან.


როგორ გავწმინდოთ კონდიციონერი


1. შეცვალეთ ჰაერის ფილტრი


კონდიციონერში ჰაერი რეგულარული ციკლით მოძრაობს. მას შემდეგ, რაც ის აგზავნის გრილ ჰაერს საცხოვრებელ ადგილებში, შემდეგ აგროვებს ძველ ჰაერს და აბრუნებს მას სისტემაში. ჰაერი გაივლის ფილტრში, რომელიც იჭერს ნაწილაკებს და ჰაერის დამაბინძურებლებს, რომლებმაც შეიძლება დააზიანოს თქვენი სისტემა. როდესაც ჰაერის ფილტრი ივსება ალერგენებითა და მტვრით, ის იკეტება, რაც ზღუდავს ჰაერის ნაკადს და ეს ყველაფერი იწვევს  სისტემის დაძაბვას და არაეფექტურ მუშაობას. შესაბამისად, ჰაერის ფილტრის დროულად გამოცვლა სასიცოცხლოდ მნიშვნელოვანია.

2. გაწმინდეთ დაბრუნების საჰაერო მილები (return air ducks)

 
ფილტრის შეცვლის გარდა, თქვენ ასევე უნდა დაუთმოთ დრო დაბრუნების საჰაერო მილების გაწმენდას. სადინარის გადასაფარებლები, რომლებიც ჩაკეტილია ლაქით, მტვრითა და ჭუჭყით, ბლოკავს ჰაერის ნაკადს და აიძულებს აპარატს, რომ იმუშაოს მეტი სიძლიერით.

 
3. შეამოწმეთ თქვენი კონდიციონერის მილების იზოლაცია

 
დახეული, ან დაშლილი იზოლაცია შეიძლება იყოს გაგრილების შემცირებული ძალის მიზეზი. ყოველ ზაფხულს შეამოწმეთ გამაგრილებლის მილების იზოლაცია და აუცილებლობის შემთხვევაში შეცვალეთ ისინი. შეცვლის პროცესი ძალიან მარტივია და დიდ დროს არ წაიღებს.

4. შეამოწმეთ მთლიანი გაყვანილობა

5. გაწმინდეთ გარე კომპრესორი

6. ყურადღება მიაქციეთ მილსადენს


თუ არ დაივიწყებთ და არ დაიზარებთ ამ პატარა პროცედურებს, კონდიციონერი დიდი ხნის განმავლობაში ზედმეტი შეკეთებისა და ხარჯების გარეშე იდეალურად იმუშავებს.



მიდეას კონდიციონერები

 

 

მიდეაში თქვენ თანამედროვე ტექნიკის საუკეთესო პროდუქტები დაგხვდებათ. აქ შეგიძლიათ სპლიტ კონდიციონერის ორი მთავარი ტიპიდან თქვენზე მორგებული იდეალური ვარიანტი აირჩიოთ - იქნება ეს ინვერტორული, თუ ON/OFF ტიპის კონდიციონერი.

ბევრი ვისაუბრეთ ბაქტერიებზე, მტვერსა და მავნე ნივთიერებებზე, რომლებიც აზიანებენ როგორც ტექნიკას, ასევე თქვენსა და სხვა მაცხოვრებლების ჯანმრთელობას.


მიდეას კონდიციონერი
მიდეამ ამ პრობლემაზე იზრუნა და მაგალითად, კონდიციონერი AG-12N8C2 ჰაერის ორმაგი ფილტრაციის რეჟიმითაა შეიარაღებული. Full HD ფილტრაცია უზრუნველყოფს მტვრის, ბაქტერიებისა და უსიამოვნო სუნის განეიტრალებას, ხოლო Cold-Catalyst ფილტრი მავნე აირებს გადააქცევს ნაკლებად ტოქსიკურ ნივთიერებებად. ფაქტობრივად ყველა ზემოთნახსენები პრობლემა თვითონ ამ ჭკვიანი აპარატის მიერ არის მოგვარებული. მას აქვს როგორც გაგრილების, ასევე გათბობის რეჟიმი.

აღსანიშნია ისიც, რომ ეს ინვერტორული კონდიციონერია, რომელიც როგორც აღვნიშნეთ - ავტომატურად არეგულირებს ტემპერატურას. შესაბამისად, ის ადამიანისგან მინიმალურ ჩარევას საჭიროებს.

გათვლილია დაახლოებით 40კვ. მეტრის ფართისთვის და მისი სიმძლავრე კი 12000 BTU გახლავთ.


მიდეაში ON/OFF ტიპის აპარატების ფართო არჩევანსაც შეხვდებით. კონდიციონერი MSAF-18HRN8-W ერგება დაახლოებით 60კვ. მეტრის სივრცეს. როგორც ზემოთნახსენები ინვერტორული აპარატი, ესეც გამოირჩევა თვითწმენდის ფუნქციით. შიდა ტენიანობის რეგულაციის მეშვეობით ის ხელს უშლის კონდიციონერში მავნე ბაქტერიების და ობის სოკოების გავრცელებას.

მისი გაგრილების სიმძლავრე არის 18000 BTU, ხოლო გათბობის კი 18900 BTU. აქვს როგორც ტურბო, ასევე ჩუმი და ძილის რეჟიმი.

გარანტია კი 4 წელი აქვს და მიდეა დამატებით უფასო მონტაჟსაც გთავაზობთ.

 

ტექნიკის მაღაზია მიდეა უმაღლეს ხარისხთან და ულტრათანამედროვე ტექნოლოგიებთან ერთად ასევე ხელმისაწვდომ ფასებს გთავაზობთ. თქვენ ნახავთ ყველანაირი სივრცისთვის განკუთვნილ ტექნიკას და არც იაფი კონდიციონერის არჩევანის გარეშე დარჩებით.

 

სხვა სიახლეები