მედია

ინვერტორული კონდიციონერი დღეს მოცემული პროდუქტის ბაზარზე ყველაზე თანამედროვე და ეფექტური ტექნოლოგიაა. ამ პროდუქტის სიახლეა მიზეზი იმისა თუ რატომაც გვერევა ხშირად სახელი და ინვერტორული კონდიციონერის ნაცვლად ინვენტორულ კონდიციონერს ვეძახით. მაგრამ მისი სიახლის მიუხედავად,  მულტიფუნქციურობამ და ენერგოეფექტურობამ განაპირობა, რომ გამოსვლის დღიდან მოკლე დროში ის საუკეთესო კონდიციონერად ქცეულიყო. ინვერტორული ტექნოლოგია ისეა შექმნილი, რომ ჩვეულებრივ კონდიციონერებთან შედარებით 30-50%-ით ზოგავს ელექტროენერგიის მოხმარებას. მიდეა რა თქმა უნდა თანამედროვე ტრენდებს არ ჩამორჩება და ინვერტორული კონდიციონერების სხვადასხვა სიმძლავრისა და ტიპის ფართო არჩევანს სთავაზობს მომხმარებელს.

რა განსხვავებაა ინვერტორულ და სხვა ტიპის კონდიციონერებს შორის?

დროთა განმავლობაში ყველა ტექნოლოგია იხვეწება და ახალი მოდელები პირვანდელ, მთავარი ფუნქცია-მოვალეობის შესრულებას უფრო ეფექტური გზებით ახერხებენ. ახალ, დამატებით ფუნქციებს ითავსებენ და ხშირად ეს ყველაფერი ენერგიის უფრო ეკონომიურად გამოყენებით ხდება. Midea-ს ინვერტორული კონდიციონერი პროგრესის ყველა ამ პუნქტს ითვალისწინებს და ნებისმიერი ზომის ფართს ემსახურება - ენერგოეფექტურად და ადამიანისთვის მეტი კომფორტის შექმნით.

მთავარი განსხვავება, თუ როგორ მუშაობს ახალი ინვერტორული კონდიციონერები   არა-ინვერტორულთან შედარებით ძალიან მარტივია და მდგომარეობს  ძრავის განსხვავებულად ფუნქციონირებაში. ჩვეულებრივ, არა-ინვერტორულ კონდიციონერში ძრავს აქვს მხოლოდ ორი სიჩქარე, რომლითაც შეიძლება იმუშაოს თქვენი სახლის სასურველი ტემპერატურის შესანარჩუნებლად - ან სრული დატვირთვით, ან იყოს გამორთული. არა ინვერტორულ კონდიციონერს არ აქვს იმის ფუნქცია, რომ აკონტროლოს ძრავის მოძრაობის ტემპი.

მეორეს მხრივ, ინვერტორული ტექნოლოგია ბევრად დაიხვეწა და გახდა მეტად ჭკვიანი. ინვენტორული კონდიციონერი ძრავას მუდმივად ჩართული ინარჩუნებს და არეგულირებს სიჩქარეს ტემპერატურის ცვალებადობისთვის. ეს ნიშნავს, რომ გამოყენებული სიმძლავრე შეიძლება განსხვავდებოდეს 0-დან 100 პროცენტამდე. ეს ჭკვიანი ტექნოლოგია ზუსტად ხვდება, სტაბილურად როგორ მოარგოს ოთახს იდეალური ტემპერატურა.

ინვერტორული კონდიციონერის მიერ ტემპერატურის ავტომატური რეგულირების ფუნქციის უკეთ აღსაქმელად შეგვიძლია მოვიყვანოთ ჩვენს ყოველდღიურობაში ნაცნობი მაგალითი - ტელეფონის ეკრანის ავტომატური განათება. ვიცით, რომ ტელეფონი  თავისით არეგულირებს ეკრანის ნათებას და ამით ზოგავს ბატარეის ენერგიას, ამ პრინციპით  და კიდე უფრო უკეთ ფუნქციონირებს ინვერტორული ტექნოლოგიაც.

რატომ უნდა ავირჩიოთ Midea-ს ინვერტორული კონდიციონერი?

მიდეას ინვერტორული კონდიციონერის მთავარი უპირატესობები:

• მოიხმარს ნაკლებ ენერგიას ტრადიციულ კონდიციონერებთან შედარებით

• ინარჩუნებს ოთახის სასურველ მუდმივ ტემპერატურას

• შერჩეულ ტემპერატურას ბევრად სწრაფად აღწევს

• მუშაობს ელექტროენერგიის შედარებით დაბალ ძაბვაზე რაც მას მეტად უსაფრთხოს ხდის

• ასევე არის ეკოლოგიურად სუფთა

• გაცილებით მეტი აქვს ექსპლუატაციის ვადაც

ენერგოეფექტურობა - Midea-ს ინვერტორული კონდიციონერის ერთ-ერთი მთავარი ღირსება

კონდიციონერი Midea AF-09N1C2

მოდელი: AF-09N1C2

ფასი: 1575 GEL

ვინაიდან ინვერტორული კონდიციონერი აკონტროლებს ძრავის სიჩქარეს და ცვლის ტემპერატურას საჭიროებისამებრ, იგი ბევრად უკეთესი არჩევანია ელექტროენერგიის დაზოგვისთვის, რადგან ის ზღუდავს ენერგიის მოხმარებას. არა-ინვერტორული ტიპის ფუნქციონირებამ შეიძლება გამოიწვიოს ენერგიის გადაჭარბებული და არასაჭირო მოხმარება და უფრო ხშირად უნებლიედ დაგიგროვდეთ ელექტროენერგიის გადასახადი. ინვერტორული კონდიციონერები კი არსებითად უფრო ენერგოეფექტურია და დაგეხმარებათ დაზოგოთ თქვენი ყოველთვიური გადასახადები. ასევე, ამ ენერგოეფექტური ფუნქციის გამო, ინვერტორული კონდიციონერები განიხილება, როგორც ეკოლოგიურად სუფთა სისტემა, რადგან ის იყენებს 30-50% ნაკლებ ენერგიას, ვიდრე არაინვერტორული ტიპის.

კონდიციონერის შერჩევისას აუცილებლად უნდა გავითვალისწინოთ  ოთახის ზომები. მიდეას BTU კალკულატორი კი ზუსტ წარმოდგენას შეგიქმნით, თუ რომელი კონდიციონერია თქვენი ოთახისთვის შესაფერისი.

მიდეას ასორტიმენტში ასევე წარმოდგენილია კოლონური კონდიციონერი, რომელიც განსაკუთრებით გამოგადგებათ დიდი მოცულობის სივრცეების ასათვისებლად. ერთ-ერთი მოდელი MFM-60ARN1-RB6 დაახლოებით 200კვ.მ-ზეა გათვალისწინებული.

ინვერტორული კონციდიონერის უპირატესობები

მიდეას ინვერტორული კონდიციონერის დამოუკიდებლად მუშაობის პრინციპი, რაც არ მოითხოვს ჩვენ ჩართულობასა და ტემპერატურის პერიოდულად ცვლას, რომ ისევ ნორმალურ ტემპერატურას დავუბრუნდეთ, ერთ-ერთი მნიშვნელოვანი პლუსია, რაც იმ სივრცეში, სადაც ეს კონდიციონერია დამონტაჟებული, ცხოვრებას, მუშაობას და ნებისმიერ აქტივობას ძალიან სასიამოვნოს ხდის. 

ოთახის ტემპერატურის ცვლილება ბევრ ფაქტორზეა დამოკიდებული და იმაზე მეტად კომპლექსური საკითხია, ვიდრე წარმოგვიდგენია. 

ზოგიერთი ქალაქი ცხელია, ზოგი ტენიანია და ზოგი ცივი. ზაფხულში კონდიციონერი აკეთებს 2 რამეს: აციებს ჰაერს და აშორებს ტენიანობას. თუ ქალაქი ცხელია, ელექტროენერგიის უმეტესი ნაწილი იხარჯება ტემპერატურის შესამცირებლად. თუმცა ზოგიერთი ქალაქი ნოტიოა, მაგრამ არა ძალიან ცხელი ( მაგალითად, ბათუმი და სანაპირო რეგიონები) და ამის გამო, კონდიციონერის ძრავის ჩართვა დამოკიდებულია ტემპერატურაზე.

ოთახში არსებული ფერები მოქმედებს ამ სივრცეში ტემპერატურის ცვლილებაზე. ოთახის ფერებიდან ჩვენ არ ვგულისხმობთ მხოლოდ კედლების ფერს. ყველა მუქი ფერი შთანთქავს სითბოს. ასე რომ, თუ თქვენი ფარდები მუქია, ისინი არ გეხმარებათ. თუ თქვენი კედლები მუქია, ისინი შთანთქავენ სითბოს. მაშინაც კი, თუ ტანსაცმელი, რომელსაც ოთახში ატარებთ, მუქია, ისინი შთანთქავენ სითბოს და მეტი დრო დასჭირდებათ გაგრილებას. თეთრად შეღებილი კედლები დაახლოებით 35%-ით ნაკლებ სითბოს გამოყოფს, ვიდრე მუქი კედლები.

ოთახში ადამიანების რაოდენობა ასევე ძალიან მოქმედებს ტემპერატურაზე. მაგალითად, ბავშვებით სავსე საკლასო ოთახი ერთ პატარა სივრცეს ძალიან აცხელებს და კონდიციონერს მეტი დატვირთვით უწევს მუშაობა. ისევე როგორც ოთახში არსებული, მუშა მდგომარეობაში მყოფი ტექნიკა დიდი ოდენობით სიცხეს გამოსცემს. თითო ადამიანი დაახლოებით 200 ვატ სითბოს გამოყოფს და წარმოიდგინეთ ოთახი, სადაც უცებ 10 ადამიანი იყრის თავს - ტემპერატურა მალე მოიმატებს.

ზემოთჩამოთვლილი სიტუაციები ძალიან ბუნებრივია და ყოველთვის ვერ გავითვალისწინებთ, თუ რა მოქმედებს ოთახის ტემპერატურის ცვლილებაზე.

Midea-ს ინვერტორული კონდიციონერი იმიტომაა კონდიციონერების ჩემპიონი, რომ  ჩვენ არ გვჭირდება ფიქრი და იმის განსაზღვრა, თუ რა სიტუაციაში, როგორ შეიცვლება ტემპერატურა. ოფისში მყოფი ადამიანისთვის კონდიციონერის ტემპერატურის კონტროლი შეიძლება დამატებით შრომად იქცეს. Midea-ში ეს ვალდებულება ჩვენ კონდიციონერს ჩავაბარეთ და ის ამ ფუნქციას ხუთიანზე ასრულებს. 

ინვერტორული კონდიციონერების ხმას თითქმის ვერასდროს გაიგებთ მაგალითად, მოდელი - Midea AF-12N1C2 საშუალო სიმძლავრით მუშაობისას ხმა 35 დეციბელს აღწევს, რაც თითქმის ჩურჩულის ეკვივალენტია. ჩვეულებრივი კონდიციონერი ყოველ ახალ ჩართვა გამორთვაზე სპეციფიკური განსაკუთრებული ხმით გამოირჩევა, რაც შესაძლოა დისკომფორტის გამომწვევი აღმოჩნდეს. 

ინვერტორული კონდიციონერი ნებისმიერ გარემოს, ნებისმიერ სიტუაციაში აქცევს კომფორტულ სივრცედ და დაგაზოგინებთ მუდმივად მზარდ ელექტროენერგიის ხარჯებს. მიდეას კონდიციონერებზე ასევე მოქმედებს განვადების სერვისი და ამასთან ერთად  ტოპ გაყიდვადი ინვერტორული კონდიციონერების დამონტაჟება უფასოა და ეს საქმე შეგიძლიათ ჩვენ მოგვანდოთ.